რა არის ბედნიერება?

3cd9e10როდესაც ბედნიერებაზე საუბრობენ, ყოველთვის მახსენდება პაულო კოელიოს წიგნი – “ალქიმიკოსი” და თავში ერთი იგავი მომდის – ბედნიერების საიდუმლოს შესახებ, რომელიც სწორედ ამ წიგნშია მოთხრობილი. იგავის თანახმად:

“ერთმა ვაჭარმა, ბედნიერების საიდუმლოს შესასწავლად, ბრძენთა ბრძენთან გაგზავნა შვილი. ყმაწვილი ორმოც დღეს მიაბიჯებდა უდაბნოში და ბოლოს მთის მწვერვალზე დიდებული ციხესიმაგრე დაინახა. იქ ცხოვრობდა ბრძენი.

უცნაური იყო, მაგრამ ციხესიმაგრე არაფრით ჰგავდა ბერის საყუდელს და თან ხალხით იყო სავსე: ვაჭრები საქონელს ასაღებდნენ, ყველგან ხალხი ირეოდა და საუბრობდნენ, პატარა ორკესტრი ნაზ მელოდიას უკრავდა, შუა დარბაზში კი ძვირფასი საჭმლით სავსე სუფრა იყო გაშლილი.

ბრძენი აუჩქარებლად დააბიჯებდა დარბაზში და სტუმრებს ემუსაიფებოდა. ყმაწვილს ორ საათს მოუწია ლოდინი, ვიდრე მისი ჯერი დადგებოდა.

ბოლოს, როგორც იქნა, მასთანაც მივიდა ბრძენი, მოუსმინა და მოცდა სთხოვა, მაგრამ რადგანაც ჯერ არ ეცალა ბედნიერების საიდუმლოს ასახსნელად, ურჩია, ციხესიმაგრე დაეთვალიერებინა და ორი საათის შემდეგ დაბრუნებულიყო.

«ერთი თხოვნაც მექნება შენთან, – უთხრა ყმაწვილს და ჩაის კოვზი გაუწოდა, რომელზეც ორი წვეთი ზეთი ესხა, – ეს კოვზი თან წაიღე და ეცადე, არ დაგეღვაროს».

ყმაწვილმა კოვზი გამოართვა და ფრთხილად აუყვა სასახლის კიბეებს, ორი საათის შემდეგ კი კვლავ ბრძენის წინაშე წარსდგა.

«სასადილო დარბაზის სპარსული ხალიჩები მოგეწონა? ბაღში თუ იყავი და ხეები და ყვავილები თუ ნახე, რომლის გასაშენებლადაც ათ წელიწადს იშრომეს მებაღეებმა? ბიბლიოთეკაში უძველესი ფოლიანტები და პერგამენტები თუ ნახე?» – ჰკითხა ბრძენმა.

დარცხვენილმა ყმაწვილმა აღიარა, რომ ვერაფრის ნახვა ვერ შეძლო, რადგან მხოლოდ იმაზე ფიქრობდა, ბრძენისაგან მიბარებული ორი წვეთი ზეთი არ დაღვროდა.

«უკან გაბრუნდი და სასახლე დაათვალიერე, – უთხრა ბრძენმა, – როგორ შეიძლება, ენდო ადამიანს, თუ არ იცი, სად და როგორ ცხოვრობს».

ყმაწვილი თავის კოვზიანად ისევ სასახლის დარბაზებსა და დერეფნებს გაუყვა. ამჯერად უფრო თავისუფლად დააბიჯებდა და სასახლის საოცრებებსა და ხელოვნების ნიმუშებს ათვალიერებდა. ბაღშიც გაისეირნა, სასახლის ირგვლივ შემოჯარული მთების სილამაზითაც დატკბა და ყვავილებისა და ქანდაკებების მშვენიერი განლაგებითაც მოიხიბლა. ბრძენთან მიბრუნებულმა, დაწვრილებით მოუთხრო, რაც ნახა.

«ის ორი წვეთი ზეთი სადღაა, მე რომ მოგაბარე?» – ჰკითხა ბრძენმა.

ყმაწვილმა მაშინღა შეამჩნია, რომ კოვზი ცარიელი იყო.

«აი, ეს არის ერთადერთი რჩევა, რომელიც უნდა მომეცა, – უთხრა ბრძენთა ბრძენმა, – ბედნიერების საიდუმლო ის არის, რომ ამქვეყნიური საოცრებებითა და დიდებულებით დატკბე, მაგრამ არც ის ორი წვეთი ზეთი დაგავიწყდეს, კოვზზე რომ გისხია»”.

რა არის ბედნიერება? –  თითოეულ თქვენგანს შეუძლია მოისმინოს უამრავი განსხვავებული პასუხი ამ კითხვაზე, გაცილებით მეტი – ინტერპრეტაცია. რასაკვირველია, ბედნიერების ზუსტი დეფინიციის პოვნა რთულია, რადგან არ არსებობს სამყაროში ბედნიერებაზე სუბიექტური ცნება. მიუხედავად ამისა, გამოირჩევა ადამიანების ორი დიდი კატეგორია: პირველი, რომლებიც ბედნიერებას დიდი რიცხვის(რომელიც სხვადასხვა ფერისა თუ გამოსახულების ქალაღდზეა დაბეჭდილი) პირდაპირპროპორციულად განიხილავენ და ეს რიცხვიანი ქაღალდები მათ ბედნიერების საიდუმლოს მთავარ გასაღებად მიაჩნიათ და მეორე კატეგორია, რომლებიც ჯიუტად ამტკიცებენ, რომ ფულით ბედნიერებას ვერ იყიდი. ხოლო, ბედნიერება თავისი არსით ძვირფასია, ფასეულია, მნიშვნელოვანია და რემარკიც სამართლიანად აღნიშნავდა, რომ “ყველაფერი, რისი მოგვარებაც ფულით ხერხდება, იაფია”. Feelings-and-Emotions-Money-Can-t-Buy-Happiness-2526

რა არის ბედნიერება?

ჩემი აზრით, იმისთვის რომ იყო ბედნიერი, პირველ რიგში, უნდა იპოვო შენი ადგილი სამყაროში, იმ სოციუმსა და გარემოში, სადაც არსებობ, რათა ცხოვრება შეძლო, ისეთი ცხოვრება, რომლის დროსაც არ შეგეშინდება დაბრკოლებების გადალახვის და ახალ, ცხოვრებისეული გამოწვევებს ღირსეულად მიიღებ. ბედნიერების ძიების პროცესი ხომ გაუკვალავ გზათა ერთი დიდი ლაბირინთია, საინდაც მხოლოდ ერთი ჭეშმარიტი გზა, ერთი ჭეშმარიტი გასასვლელი არსებობს!

და მაინც, რა არის ბედნიერება?

ბედნიერებაა მზის პირველი სხივი, რომელიც ნაწვიმარ მიწას ცრემლებს აშრობს…

ბედნიერებაა ქალი, რომელიც მუცლით ახალ სიცოცხლეს ატარებს…

ბედნიერებაა  აფრენდე ფრანს და აფრენდე ფრანზე მეტად…

ბედნიერებაა, რომ გიხარია, რომ (ის) ბედნიერია და უხარია, რომ (შენ) გიხარია და გიხარიათ…

ბედნიერებაა, რომ ხარ თავისუფალი…

ბედნიერებაა სიკეთე, თავისი ნებისმიერი გამოვლინებით…

ბედნიერებაა, უყურო ვარსკვლავებს ღამით, უშიშარ სინათლისმცველებს სიბნელეში…

ბედნიერებაა, გიყვარდეს ყველასა და ყველაფრის მიუხედავად…

ბედნიერება? – ნამდვილად წვრილმანებშია…

ხომ გითხარით, ამ შეკითხვაზე უამრავ პასუხს მოისმენთ-მეთქი…

კომენტარის დატოვება

Fill in your details below or click an icon to log in:

WordPress.com Logo

You are commenting using your WordPress.com account. Log Out /  შეცვლა )

Twitter picture

You are commenting using your Twitter account. Log Out /  შეცვლა )

Facebook photo

You are commenting using your Facebook account. Log Out /  შეცვლა )

Connecting to %s